Qaraǵandyda «Mining Week Kazakhstan-2017» kórmesi ótedi
ASTANA. QazAqparat - 27 jáne 29 maýsym aralyǵynda Qaraǵandy qalasynyń «Shahter» stadıonynda «Mining Week Kazakhstan-2017» atty taý-ken metallýrgııa keshenine jáne mıneraldyq resýrstardy utymdy paıdalanýǵa arnalǵan tehnologııalar men jabdyqtardyń 13-shi halyqaralyq kórmesi ótedi, dep habarlaıdy oblystyq ákimdiktiń baspasóz qyzmeti.
Kórmeni uıymdastyrýǵa Qazaqstan Respýblıkasynyń Investıtsııalar jáne damý mınıstrligi, Qazaqstan Respýblıkasynyń geologııa jáne jer qoınaýynyń komıteti, «Taý-Ken Samuryq» Ulttyq taý-ken kompanııasy AQ men Qaraǵandy oblysynyń ákimshiligi qoldaý bildirdi.
Úsh kún ishinde kelýshilerdiń nazaryna 80-nen astam kompanııa jumystaryn usynady. Kórmege Belgııa, Germanııa, Qazaqstan, Qytaı, Polsha, Reseı, AQSh, Túrkııa, Ýkraına, Chehııa, Jańa Zelandııadan keletin kompanııaar qatysady. Olar - tamasha usynystary men úlken tájirıbesi bar kompanııalar.
Mining Week Kazakhstan kórmesi - mashınalar, jabdyqtar, apparattar men qurylǵylardy óndirýshiler men jetkizýshilerdiń kásibı is-sharasy.Sonymen qatar kompanııalar neǵurlym únemdi, qaýipsiz jáne tıimdi jumys jasaýǵa múmkindik beretin tehnologııa jáne qyzmettermen tanystyrady.Pavılonnyń janyndaǵy ashyq aımaǵynda taýarlar men qyzmetterdi kórsetý kórmeniń mańyzdy ereksheligi bolyp tabylady.
Dástúr boıynsha Mining Week Kazakhstan kórmesiniń eń úlken artyqshylyǵy tıimdi baılanys platformasy. Jáne de kórme aıasynda TMKQ (taý-ken jáne metallýrgııa kásiporyndary) uıymdastyratyn «Polıak-qazaq arasyndaǵy taqyryptyq semınar», «Qazaqstan Respýblıkasy ekologııalyq zańnamasynyń jetildirilýi» atty dóńgelek ústel,semınarlar men tusaýkeserler ótkiziledi.
Kelýshiler kórmeni 27-29 maýsym aralyǵynda saǵat 10.00 men 18.00 aralyǵynda «Shahter» stadıonynda tamashalaı alady.
