Qaraǵandyda merdigerler jol jóndeý kezinde kemshilik jibergenderin moıyndady
QARAǴANDY. QazAqparat - Qaraǵandyda asfalt tósegen qurylys fırmasynyń merdigerleri qala joldaryn jóndeý kezinde kemshilikke jol bergenderin moıyndady, dep habarlady «QazAqparat» HAA tilshisi.
Qaraǵandy ákimdiginiń baspasóz qyzmetinde habarlaǵandaı, merdigerlik uıym ókilderi qar erigen kezde jolda paıda bolǵan shuńqyrlarǵa aqaýly bıtým sebep bolǵanyn habarlady. Olar materıaldy satyp alǵanǵa keıin onyń sapasyn tekserý múmkin emestigin aıtty. Qaraǵandy oblysynda bıtým quramyn zertteıtin mamandandyrylǵan zerthana joq.
Qaraǵandyda ótken jyly kóp kóshelerde jol jóndeldi. Alaıda jańa jamylǵy bir qystyń ózine shydas bere almady.
Qaraǵandy ákimi Nurlan Áýbákirov májiliste bıyl merdigerlerden barlyq aqaýlardy, shuqyrdy bekitý jumystaryn tegin júrgizýdi talap etti. Atap aıtqanda, Álıhanov, Kosmonavtov kósheleri, vokzal mańyndaǵy jolǵa, Fedorov ótpejolyna sapasyz asfalt tóselgen.
«30 ýchaskeniń 20-synda asfalt qabyrshaqtanyp, oıylyp, jaryqtar paıda bolǵan, - dedi ákim. - Merdigerlik uıymdarǵa kemshilikterdi joıý týraly nusqama jiberildi. Kóptegen kóshelerge asfaltobeton jamylǵysynyń joǵary qabatyn tolyqtaı aýystyrý talaby qoıyldy».
