Qaraǵandyda memlekettik rámizderdiń 25 jyldyǵyna arnalǵan forým ótti

ASTANA. QazAqparat - Qaraǵandyda oblys ákiminiń qatysýymen Qazaqstannyń memlekettik rámizderiniń 25 jyldyǵyna arnalǵan «Uly Dala Eliniń rámizderi jasasyn!» atty forým ótti, dep habarlaıdy oblys ákiminiń resmı saıty .

Forýmǵa Qaraǵandy oblysynyń qalalary men aýdandarynyń turǵyndary, eńbek ardagerleri, Qazaqstan halqy Assambleıasynyń, etnomádenı uıymdardyń ókilderi, depýtattar, qoǵam, mádenıet qaıratkerleri, stýdentterden quralǵan 3000-nan asa adam qatysty.

 

Forýmǵa qatysýshylardy oblys ákimi Erlan Qoshanov quttyqtady. 
«Memlekettik rámizder árdaıym ulttyń maqtanyshy boldy jáne bolady», - dedi oblys ákimi. - Olar álemge onyń beınesin, biregeıligin, qundylyǵyn ashyp kórsetedi. Árqaısymyzdyń sanamyzda rámizder Otandy beıneleıdi, - dedi. 

«Men úshin bizdiń rámizder - jeńister men jetistikterdiń belgisi, - dedi «KazPlast» jáne «BekemPlast» JShS kompanııalar tobynyń bas dırektory Sergeı Vodko.

Eske sala keteıik, 25 jyl buryn 1992 jyldyń 4 maýsymda Qazaqstan Respýblıkasynyń Prezıdenti Nursultan Ábishuly Nazarbaev Táýelsiz Qazaqstannyń Memlekettik Eltańba jáne Memlekettik Tý týraly Zańdaryna qol qoıdy. Bul kún el tarıhynda Memlekettik rámizder kúni retinde saqtalyp qaldy.