Qaraǵandyda medıtsınalyq ortalyq ǵımaratynda bombaǵa uqsas kúdikti zat tabyldy
QARAǴANDY. QazAqparat - Búgin Qaraǵandy medıtsınalyq ortalyǵyna barlyq shuǵyl qyzmetter jınaldy. Ǵımaratta kúdikti paket tabyldy, dep habarlaıdy QazAqparat tilshisi.
4 sáýirde saǵat 9.05-te Qaraǵandy qalasy PB Ońtústik-Shyǵys polıtsııa bóliminiń kezekshi bólimine Muqanov kóshesindegi oblystyq medıtsınalyq ortalyqta qol jýǵysh shuńǵylshanyń astynan skotchpen oralǵan zat tabylǵany týraly habarlama kelip tústi.
«Qaraǵandy oblysy PD jedel kezekshisi oqıǵa ornyna barlyq shuǵyl qyzmetterdi jiberdi. Medıtsınalyq mekeme ǵımaratynan 400-ge jýyq adam evakýatsııalandy, onyń ishinde medpersonal, patsıentter, kelýshiler bar»,-dep habarlady Qaraǵandy oblysy PD baspasóz qyzmeti.
Polıtsııa qyzmetkerleri tabylǵan zatty – túımeli uıaly telefondy, oǵan arnalǵan qýattaý qurylǵysyn qarap shyqty. Saǵat 10.00-de dabyldy toqtatý týraly belgi berildi. Qazirgi ýaqytta medıtsınalyq ortalyq qalypty rejımde jumys isteýde.
Esterińizge sala keteıik, 31 naýryzda belgisiz tulǵa AvtoHQKO ǵımaratyna salynǵan «bomba» týraly habarlaǵan bolatyn.
