Qaraǵandyda medıtsına ýnıversıtetiniń stýdentterine jataqhana salynyp jatyr

QARAǴANDY. QazAqparat – Qaraǵandy medıtsına ýnıversıtetiniń stýdentterine arnalǵan jataqhana «Prezıdenttiń bes áleýmettik bastamasy» baǵdarlamasy aıasynda salynýda, dep habarlaıdy QazAqparat tilshisi.

Búgingi tańda ýnıversıtette bes myńnan astam adam oqıdy. Al jataqhanada 2 500 oryn bar. Jańa jataqhana salynatyn onda basqa qaladan kelip oqıtyn 400 stýdenttiń ornalasýyna múmkindik týady.

Jańa jataqhana Erjanov kóshesinde ornalasady. Jer telimin Qaraǵandy ákimdigi bólgen. Ony rásimdeý boıynsha protsess aıaqtaldy.

Merdiger - «Kazstroıpodrıad» JShS. Qazirgi ýaqytta nysanda qurylys-montajdaý jumystary júrip jatyr. Jataqhana ýnıversıtettiń óz qarajaty esebinen salynýda. Ol 2021 jyldyń úshinshi toqsanynda esigin aıqara ashady.