Qaraǵandyda medıatsııa ınstıtýtynyń damýy talqylandy
QARAǴANDY. QazAqparat - Qaraǵandyda «Qaraǵandy oblysyndaǵy medıatsııa ınstıtýtynyń damýyn taldaý» taqyrybynda dóńgelek ústel ótti, dep habarlaıdy oblys ákiminiń
Kezdesý barysynda osy saladaǵy jetistikter men ózekti máseleler talqylandy.
Qaraǵandy qalasynyń Dostyq úıinde sot júıesiniń, memlekettik jáne qoǵamdyq uıymdardyń, kásipodaqtardyń, qalalar men aýdandar ákimdikteriniń ókilderi jınaldy. Sondaı-aq kezdesýge Qaraǵandy oblysy ákiminiń orynbasary Abzal Núkenov qatysty. Dóńgelek ústelge qatysýshylar óńirdegi medatsııa ınstıtýtynyń damý máselelerin kóterdi. Spıkerler medıatsııa QR sot júıesinde, sondaı-aq qoǵamdyq, saıası jáne áleýmettik salalarda medıatsııa qalaı qoldanylatyny týraly aıtyp berdi. Qatysýshylar bank júıesindegi, sondaı-aq atqarýshylyq is júrgizýdegi daýlardy sotqa deıingi sheshýdiń oń dınamıkasyn atap ótti. Sonymen qatar dóńgelek ústel barysynda qatysýshylar neke-otbasylyq qarym-qatynas máselesin qozǵady.
Spıker Marına Kýshakova atap ótkendeı, erli-zaıyptylar arasyndaǵy daǵdarysty sheshý úshin Qazaqstanda «Otbasylyq sot» pılottyq jobasy iske qosyldy. Osy otbasylyq janjaldardy sotqa deıingi sheshý quralynda mamandar advokattardyń, psıhologtardyń, medıatorlardyń, GTQQ qyzmetkerleriniń úılesimdi jumysyn kórgisi keletinin jetkizdi. Sonymen qatar, «Dıalog» janjaldardy sheshý ortalyǵynyń» dırektory Tatıana Savıtskaıa aımaqtyń barlyq medıatorlaryn biriktirip, biryńǵaı Jol kartasyn qurýdy usyndy. Onyń aıtýynsha, bul qadam medıatsııa ınstıtýtynda jarııalylyq ornatyp, kásibı jáne nátıjelilik turǵyda joǵarylaýǵa kómektesedi. – Búgingi mindet – memlekettiń qoldaýynsyz medıatsııa ınstıtýty qol jetkize almaıtyn «nysanalardy» belgileý bolyp tabylady. Eń basty másele – is-qımyldy biryńǵaı úılestirýshiler joq, árbir ortalyq ózi qalaı qajet dep sanasa, solaı jumys atqarady, - deıdi Tatıana Savıtskaıa. - Medıatsııa ınstıtýty janjaldardy tómendetý úshin qoldanýǵa bolatyn kóptegen tehnologııalarǵa ıe. Bizde qazir kásibı medıatorlardyń qatary qalyń. Alaıda kóptegen adamdar medıatsııanyń bar ekendigi týraly bilmeıdi. Sondyqtan memlekettiń ákimshilik jáne qarjylyq qoldaýynsyz biz alǵa jyljı almaımyz. ÚEU árbir baǵyt boıynsha jumys toptaryn qurý qajet dep sanaıdy. Bul óńirdegi medıatsııa ınstıtýtyn damytý úshin taǵy da ne engizý qajettigin túsinýge kómektesedi. Ol keńes berý jáne call-ortalyqtar bolýy múmkin. - Búgingi dóńgelek ústelde kóptegen ózekti máseleler qozǵaldy. Biz osy baǵytta birlesip jumys isteýimiz kerek. Men ár túrli baǵyttar boıynsha jumys isteıtin jumys tobyn qurýdy usynamyn. Ol qandaı salada jumysty kúsheıtýimiz kerek ekenin anyqtaýǵa septigin tıgizedi. Ár baǵyt boıynsha eki mamandy bekitińizder, - dedi oblys ákiminiń orynbasary Abzal Núkenov.
