Qaraǵandyda Májilis depýtatynyń qatysýymen shartty túrde sottalǵandarǵa áleýmettik-quqyqtyq kómek kórsetý máselesi talqylandy
ASTANA. 9 maýsym. QazAqparat - Qaraǵandyda Parlament Májilisiniń depýtaty Muhtar Tinikeevtiń, Qazaqstandaǵy adam quqyqtary jónindegi basqarma ókilderiniń,
quqyq qorǵaýshylar, jergilikti atqarý organdary men Qaraǵandy oblysy boıynsha QAJ departamenti qyzmetkerleriniń qatysýymen «Shartty túrde sottalǵandarǵa áleýmettik-quqyqtyq kómek kórsetýdiń erejelerin bekitý týraly» QR Úkimetiniń qaýlysyn júzege asyrýdyń nátıjesi talqylandy. Bul týraly Halyqaralyq túrme reformasynyń ókildigi habarlady.
Keńeske jınalǵandar tájirıbemen bólisip, qylmystyq-jazalanatyn áreketter jasaǵan kámeletke tolmaǵandar úshin ońaltý ortalyqtaryn qurý qajettiligi máselesin kóterdi. Birinshi kezeńde onda psıhologııalyq jáne quqyqtyq kómekter kórsetiletin bolady.
Sonymen qatar, bas bostandyǵynan aıyrý oryndarynan bosaǵandar úshin qoǵamda tez beıimdelýi turǵysynda tıisti kómek jasaý aıasynda usynystar aıtyldy. Osy oraıda kásiporyndarda jumys oryndaryn ashý qajettiligi eskerildi.
