Qaraǵandyda Máshhúr Júsiptiń bes tomdyq shyǵarmalar jınaǵy tanystyryldy

QARAǴANDY. QazAqparat – Aqyn, etnograf Máshhúr Júsip Kópeıulynyń týǵanyna 165 jyl. Osyǵan oraı, Qaraǵandyda bes tomdyq shyǵarmalary jınaǵynyń tusaýkeseri ótti, dep habarlaıdy QazAqparat tilshisi.

Jańa jınaqty aldaǵy ýaqytta oblystyń 6 kitaphanasyna, 5 meshitine jáne 5 mektebine syılaý josparlanyp otyr.

Rýhanı sharaǵa din isteri, bilim berý jáne mádenıet basqarmalarynyń ókilderi qatysty. Jıyn barysynda olar áýlıe aqynnyń jyrlaryn taldap, oılaryn ortaǵa saldy. «Senimen bolashaq» respýblıkalyq ata-analar qoǵamdyq birlestigi Qaraǵandy oblystyq fılıalynyń basshysy Indıra Toqmyrza aqyn eńbekteriniń óskeleń urpaq tárbıesine yqpaly zor ekenin aıryqsha atap ótti.

«Qoǵamǵa, bizdiń rýhanııatynmyzǵa qosatyn úlesi mol. Óıtkeni, jalpy adamgershilik qasıetke, jalpy dúnıetanymdy keńeıtýge kómektesetin keremet jaýhar dúnıe. Kitap adamnyń zeıinin ashady. Al, mektep – tárbıeniń basty negizi. Sonydyqtan, osy uıymdar arnaıy tańdalyp alyndy», - deıdi ol.

Máshhúr Júsip Kópeevtiń aty ańyzǵa aınalýyna aqyndyǵy ǵana emes, kóregendigi de sebep bolǵan. Ol elimizdiń turmysyn, salt-sanasyn zerttep, bolashaǵyn boljap ketken. Sonymen qatar, dinı dúnıetanymdyq máselelerdi qozǵap, etıkalyq, moraldik jaǵyn jyrlaryna qosqan.

«Máshhúr Júsip Kópeıuly babamyz ultymyzǵa úlken rýhanı azyq qaldyrǵan jan. Búgin mine, bizdiń oblysymyzda 5 tomdyq osy kitap meshitterge usynyp jatqany – biz úshin úlken mártebe. Bul qundy mura bolashaqta elge rýhanı azyq bolady dep oılaımyn. Bul týyndylardyń bir adamnyń ómirine azyq bolar máni bar ǵoı. Jastarǵa da óz bolmysyn tanýǵa úlken úles qosady dep senemin», - deıdi Qaraǵandy oblysy din ister basqarmasynyń basshysy Janbolat Sektaı.

Bul bes tomdyq – aqynnyń burynǵy qoljazbasyn negizge ala otyryp, ekshelip, suryptalǵan mura. Onda jınaqtalǵan ár shyǵarma búgin de qundylyǵyn joıǵan joq.