Qaraǵandyda «Máńgilik alaý» memorıaldyq kesheni jańǵyrtyldy

QARAǴANDY. QazAqparat - Qaraǵandyda «Máńgilik alaý» jaýyngerlik dańq sáýlettik-memorıaldyq ansambli jańǵyrtyldy.

Qalalyq mádenıet jáne demalys saıabaqtary basqarmasynyń dırektory Lázzat Aıtmaǵambetovanyń habarlaýynsha, jóndeý jumystary bir jarym aıdyń ishinde júrgizilip, Jeńis kúnin merekeleýge aıaqtaldy.

«Memorıaldyq keshen 40 jylǵa taıaý ýaqyt buryn salynǵan, sondyqtan da ony zamanaýı túrge jasandyrý qajet boldy. Burynǵy taqtatastar alynyp, granıtpen ádipteldi. Barlyq jumystar der kezinde aıaqtaldy», - dedi basqarma bastyǵy. Oǵan jergilikti bıýdjetten 55 mln. teńge bólingen.

«Máńgilik alaý» memorıaldyq kesheni Qaraǵandyda 1975 jyly Uly Jeńistiń 30 jyldyǵy qurmetine salynǵan bolatyn. Onyń avtorlary - músinshi Jeńis Moldabaev pen sáýletshi Nurbaqyt Qoıshybekov.