Qaraǵandyda mamandandyrylǵan tergeý soty jumysyn bastady
QARAǴANDY. QazAqparat - Qaraǵandyda Mamandandyrylǵan aýdanaralyq tergeý sotynyń ashylýy ótti, dep habarlaıdy QazAqparat oblystyq sottyń baspasóz qyzmetine silteme jasap.
Mamandandyrylǵan aýdanaralyq tergeý sotynyń negizgi mindeti - qylmystyq iske tartylǵan azamattardyń quqyqtaryn qorǵaý, qylmystyq ister boıynsha sotqa deıingi óndiris satysyndaǵy sot baqylaýy ınstıtýtyn ári qaraı damytý.
Tergeý sottary «100 naqty qadam - Ult josparynyń» 22-shi qadamyn júzege asyrý maqsatynda qurylýda. Onda adamnyń jáne azamattyń konstıtýtsııalyq quqyqtaryn shekteıtin barlyq tergeý áreketterin sanktsııalaý jónindegi quzyretterdi kezeń-kezeńimen tergeý sotyna berý arqyly sottaǵy aıyptaý men qorǵaý arasyndaǵy tepe-teńdikti saqtaý kózdelgen.
Tergeý soty Qaraǵandy qalasy, Krıvogýz kóshesi, 7 mekenjaıynda ornalasqan. Sotta 4 sýdıa jáne 10 maman jumys isteıdi.
