Qaraǵandyda qyzmetine jańa kirisken 35 polıtseı ant berdi
QARAǴANDY. QazAqparat - Búgin Qaraǵandyda 35 jas polıtseı ant qabyldady. Olarmen birge on ofıtserge arnaıy ataq berildi, dep habarlaıdy QazAqparat tilshisi.
Resmı jıynǵa polıtsııanyń ártúrli bólimsheleriniń qyzmetkerleri men jalpy bilim beretin mektepterdiń kadet synybynyń oqýshylary qatysty.
Іs-sharany Qaraǵandy oblysy PD bastyǵynyń birinshi orynbasary, polkovnık Qurmanǵalı Ysmaǵulov ashty. Ol jas áriptesterin quttyqtap, Otanǵa adal qyzmet etip, úlgi tutar tártip saqshylary bolatynyna senim bildirdi.
«Polıtsııadaǵy qyzmet – zańǵa jáne adamdarǵa degen tereń qurmetke negizdelgen, úlken shydamdylyq pen azamattyq boryshty, adaldyq pen ádildikti talap etetin qıyn jumys. Sizderdiń borysh – qoǵam tarapynan kórsetiletin qurmetke saı qyzmettik mindetterdi abyroımen oryndaý jáne Qazaqstan Respýblıkasynyń azamaty men patrıoty qurmetti ataǵyna ıe bolý», - dedi ol.
Jas polıtsııa qyzmetkerleri men ofıtserlerdi oblystyń ІІB ardagerler keńesiniń tóraǵasy Juman Nurpeıisov quttyqtady.
Іs-shara jedel áreket etý arnaıy jasaǵy jaýyngerleriniń óner kórsetýimen aıaqtaldy. Olar ózderiniń kásibı-jaýyngerlik daǵdylaryn pash etti. Sondaı-aq, qonaqtar nazaryna oblystyq polıtsııa departamenti kınologııalyq qyzmet ortalyǵynyń qyzmettik ıtteri kómegimen qylmyskerlerdi ustaý úlgileri usynyldy.
