Qaraǵandyda «Qys-2019» respýblıkalyq komandalyq-shtabtyq oqý-jattyǵýy ótedi

NUR-SULTAN. QazAqparat - 5-6 qarashada Qaraǵandy oblysynda «Qys 2019» Respýblıkalyq komandalyq-shtabtyq oqý-jattyǵý ótedi, dep habarlaıdy oblystyq ákimdiktiń baspasóz qyzmeti.

Memlekettik organdar men azamattyq qorǵaý kúshteriniń qyzmetkerleri qys mezgilinde oryn alýy múmkin tótenshe jaǵdaılardyń aldyn alýǵa jáne joıýǵa daıyndalatyn bolady. Úılestirý shtaby Qaraǵandyda ornalasady.

«Qys 2019» oqý-jattyǵýynyń birinshi kúninde Azamattyq qorǵaý apattyq-qutqarý quramalarynyń daıyndyǵy ótedi. Ońtústik-Shyǵys - Maıqudyq aınalma jolynda, «Magným» SÚ aýdanynda jyljymaly basqarý pýnkti men shatyrly lagerdiń daıyndyq baıqaýy ótedi. Sondaı-aq, qatysýshylardy JEO-3 apatyn pysyqtaý boıynsha arnaıy-taktıkalyq oqý-jattyǵý kútip tur.

Ekinshi kúni Fedorov sý qoımasynda qutqarý jumystary pysyqtalady. «Saryarqa» áýejaıy aýdanynda aınalma jolda qar qursaýy, JKO kezinde TJ joıý, jolda zardap shekkenderge kómek kórsetý, Іzdestirý jumystaryn júrgizý boıynsha arnaıy-taktıkalyq oqý-jattyǵý ótedi.

Uıymdastyrýshylardyń aıtýynsha, oqý-jattyǵý azamattyq qorǵaý memlekettik júıesiniń jáne halyqtyń qysqy kezeń jaǵdaıynda tótenshe jaǵdaılardy joıýǵa daıyndyǵy men qabilettiliginiń deńgeıin arttyrý, azamattyq qorǵaý qyzmetteri men quralymdarynyń qysqy kezeńde tótenshe jaǵdaılarǵa den qoıýǵa daıyndyǵyn tekserý maqsatynda ótkiziledi.