Qaraǵandyda qyrkúıektiń 1-inen bastap jolaýshylar kóliginde júrý aqysy qymbattaıdy
QARAǴANDY. Tamyzdyń 20-sy. QazAqparat /Valentına Elızarova/ - Qaraǵandyda qyrkúıektiń 1-inen bastap qalaishilik jolaýshylar tasymaldaý kólikterinde jol júrý aqysy 50 teńgege deıin kóbeıtiledi (avtordan - osyǵan deıingi tarıf - 30 teńge). Bul týraly QazAqparat tilshisine qala ákimdiginiń baspasóz qyzmetinen habarlady.
Degenmen, áleýmettik qorǵalmaǵan turǵyndar: UOS ardagerleri, múgedekter, zeınetkerler, oqýshylar men stýdentterge arnalǵan jeńildikter saqtalady, dep atap ótti qala ákiminiń baspasóz qyzmetinen.
«Qaraǵandydaǵy jolaýshylar tasymaldaý kólikterindegi baǵa quny bes jyl qatarynan esh ózgeriske ushyramady, sonyń saldarynan avtobýs parkteri jańa avtobýstar alýǵa qarjyny jetkize almaı keldi. Endi, tarıftiń kóbeıýimen, tasymaldaýshylar jyljymaly quramdy jańartpaq. Aldaǵy jyldyń ózinde qosymsha 100 avtobýs satyp alý josparlanyp otyr», - deıdi qala ákiminiń baspasóz qyzmetindegiler.
