Qaraǵandyda «qylmys kartasy» quryldy
QARAǴANDY. 24 qazan. QazAqparat - Qaraǵandyda qalada jasalǵan qylmystar jedel túrde beınelenetin «qylmys kartasy» quryldy.
Bul týraly QR Bas prokýratýrasynyń quqyqtyq statıstıka jáne arnaıy esep jónindegi komıteti oblystyq basqarmasynan habarlady.
«Bul karta - jabyq nemese qyzmettik aqparat emes. Oǵan ǵalamtordy paıdalanýǵa múmkindigi bar ár adamǵa kirýge ruqsat beriledi, ol komıtettiń aqparattyq servısindegi blogynda ornalastyrylǵan (https://service.pravstat.kz/map.html# ). Aldymen qylmys málimetter bazasyna engizilip, tirkeledi, keıin kartada beınelenedi», - dedi basqarma basshysy Ábý-Álı Sattar.
Kartadan qaladaǵy eń qylmysty jerlerdi kórýge bolady. Bir aıdyń ishinde 3 ret qylmys jasalǵan oryndar qyzyl túspen belgilenedi.
«Qylmys kartasy» ázirge tek Qaraǵandyda qurylǵan. «Aldaǵy ýaqytta bundaı kartalar oblystyń barlyq óńirlerinde qurylatyn bolady», - dedi basqarma basshysy.
