Qaraǵandyda kúshti aıazǵa baılanysty bastaýysh synyptarda sabaq toqtatyldy
QARAǴANDY. 11 jeltoqsan. QazAqparat - Qaraǵandyda kúshti aıazǵa baılanysty 1-4 synyp oqýshylaryna sabaq toqtatyldy, dep habarlandy qalalyq ákimdiktiń baspasóz qyzmetinen.
«Aýa temperatýrasynyń kúrt tómendeýine oraı 2006 jyldyń 27 qyrkúıeginen QR Bilim jáne ǵylym mınıstrliginiń №509 buıryǵy negizinde aǵymdaǵy jyldyń 11 jáne 12 jeltoqsanynda Qaraǵandy qalasyndaǵy bilim mekemelerinde 1-4 synyp oqýshylary úshin sabaqtar bolmaıdy», - delingen habarlamada.
Sınoptıkterdiń boljamy boıynsha, Qaraǵandy oblysynda 14 jeltoqsanǵa deıin sýyq bolady. Oblystyq gıdrometeorologııalyq ortalyqtyń bergen málimetterine qaraǵanda, kúndiz aýa temperatýrasy mınýs 20-dan 28 gradýsqa deıin tómendeıdi, túnde 30-35 gradýsty, keı jerlerde 40 gradýs sýyqtyqty kórsetedi.
