Qaraǵandyda qurmetti baılanysshy Ertaı Asaınovtyń qurmetine memorıaldy taqta ashyldy
QARAǴANDY. QazAqparat – Qaraǵandyda «Qazposhta» oblystyq fılıalynyń ǵımaratynda onyń birinshi basshysy, qurmetti baılanysshy jáne «Qurmet» ordeniniń kavaleri Ertaı Asaınovqa memorıaldyq taqta ornatyldy, dep habarlaıdy QazAqparat tilshisi.
«Meniń ákem óz jumysyn keremet jaqsy kórgen. Jan-tánimen «Qazposhtadaǵy» kásibin súıetin. Tańerteń ol ǵımaratty aınalyp ótetin. Ol árdaıym óz komandasy týraly jyly sózder aıtyp otyratyn, «Maǵan osyndaı qyzmettester kezdeskeni keremet baqyt» deıtin. Bizdiń ákemiz myqty jan boldy. Biz ony maqtan tutamyz. Ol bizdiń júregimizde máńgi qalady», – dedi qurmetti baılanysshynyń qyzy Nazym Asaınova.
Ertaı Asaınov ómiriniń 33 jylyn poshta qyzmetine arnady. 1983 jyly oblystyq «Soıýzpechat» agenttigin basqardy.
1993 jyly oblystyq poshta baılanysy qyzmetiniń bastyǵy boldy, ol búgingi kúnge deıin «Qazposhta» AQ dep atalady.
Onyń sheber basshylyǵynyń arqasynda Qaraǵandy fılıaly birneshe ret respýblıkada úzdik atandy.
Jańa poshtalyq, qarjylyq jáne agenttik qyzmet túrleri engizildi jáne halyqqa qyzmet kórsetý mádenıetin arttyrýǵa, eńbek jaǵdaılaryn jaqsartýǵa baǵyttalǵan jumys júrgizildi.
Ertaı Asaınov jumys istegen jyldar ishinde poshta jóneltilimderin qabyldaý, óńdeý jáne jetkizý tehnologııasy boıynsha birqatar jańa jobalar, sondaı-aq merzimdi baspa basylymdaryn jáne qoıma logıstıkasyn suryptaý protsesin avtomattandyrý boıynsha «pılottyq» jobalar engizildi, olar úlken ekonomıkalyq nátıje berdi.
Bul jobalar ýaqyt óte kele búkil respýblıkaǵa taraldy.
