Qaraǵandyda «Kúngeı» shaǵyn aýdanynda jańa mektep salynady
Osyǵan deıin «Kúngeı» shaǵyn aýdanynyń turǵyndary turǵyn úı alabyn abattandyrý boıynsha qala bıligine birneshe ret júgingen bolatyn. Olar sý qubyry, elektr qýaty jáne kóshelerindegi joldarǵa qatysty máseleni sheshýshi ótingen. Búgingi tańda bilim berý nysandarynyń qajettiligi týraly másele kóterildi.
Qaraǵandy ákimi Ermaǵanbet Bólekpaev turǵyndarǵa kelesi jyly mektep qurylysy bastalatynyn málim etti.
«Qazir ony qurylys basqarmasy joba jasap jatyr. Biz qurylysty kelesi jyly bastaýdy josparlap otyrmyz, mektep 600 orynǵa arnalǵan. Sonymen qatar biz Taýgúl shaǵyn aýdanynda da mektep salamyz», - dedi qala ákimi.
Sondaı-aq, qala basshysy jergilikti turǵyndarǵa shaǵyn aýdandy gazdandyrý týraly aıtyp berdi. Bul másele de ózekti, sebebi bul shaǵyn aýdanda barlyǵy jeke úı jáne olar peshpen jylytylady.
«Kúngeıde gaz jospar boıynsha 2025 jyly paıda bolady. Joba bar. Qazir gazdandyrý kezeń-kezeńimen júrip jatyr jáne bári qarjylandyrýǵa baılanysty. Biraq bizdiń mindetimiz – gazdy kúngeıge tezirek jetkizý», - dedi Ermaǵanbet Bólekpaev.
Sondaı – aq, ákimge Kúngeı shaǵyn aýdanyn abattandyrý, atap aıtqanda, trotýar salý týraly suraq qoıyldy.
«Iá, biz qazir bul máseleni qarastyryp jatyrmyz. Onda joldar ǵana emes, jeliler de jasalýy kerek. Bıyl biz bir joldy jóndeýge qarajat taptyq, ol aıaqtaldy. Kelesi jyly kem degende taǵy bir jol salý josparlanýda. Sondaı-aq, biz jaıaý júrginshiler jolymen bir nárse sheshemiz. Bul másele jáne biz ony moıyndaımyz, biraq másele qarjylandyrýda», - dep jaýap berdi ol.