Qaraǵandyda kún batareıasynan qýat alatyn anshlagtar paıda bolady
ASTANA. QazAqparat - Qaraǵandy qalasyna kún shýaǵynan qýat alatyn kóshe ataýlary jazylǵan taqtaıshalar ornatylmaq.
Kóshe úılerinde jalpy osy sekildi eki jarym myń taqtaısha paıda bolady, onyń 900-i janynda ornatylǵan kún batareıalarynyń arqasynda jaryqtandyrylady, dep habarlaıdy karaganda-region.gov.kz .
«Bizge zamanǵa saı qadam basatyn kez keldi», - dep túsindirdi taqtaıshalardyń qajettiligi týraly Oktıabr aýdanynyń ákimi Álimjan Qanaev.
«Álemdik elderdiń tájirıbelerin qabyldaýymyz kerek. Sonymen qatar júrgizýshilerden túngi ýaqyttarda úılerdegi kóshe ataýlary bar taqtaıshalary kórinbeıtini týraly shaǵym jıi túsedi. Olardy jaryq shaǵylystyratyndaı etip jasaýdyń da paıdasy bolmaıdy. Sebebi olardy kólik shamdarymen jaryqtandyrý múmkin emes, olar joǵary ornalasqan. Sondyqtan jaryqtandyrylǵan taqtaıshalar qajet. Al kún batareıalary zamanǵa saı jáne ekologııalyq bolyp tabylady.
Alaıda mundaı anshlagtar qalanyń ortalyq kóshelerinde ǵana ornatylady. Basqa jerlerde olar elektr jelisine qosylady.
Jalpy bul jobaǵa 70 mln teńge bólingen, onyń 40 mıllıony kún batareıasy bar anshlagtarǵa jumsalady. Sońǵylarynyń eki jyldyq kepildigi bolady. Osy sekildi siltemelerdiń quny 22 700 teńgeni quraıdy.
