Qaraǵandyda qulaǵan jeńil ushaq apatyna qatysty tergeý jumystary bastaldy
QARAǴANDY. QazAqparat - Qaraǵandyda qulaǵan jeńil ushaq apatyna qatysty tergeý jumystary bastaldy, dep habarlaıdy QazAqparat QR IIDM baspasóz qyzmetine silteme jasap.
«21 sáýirinde Buqar jyraý aýdanyna qarasty Úshtóbe aýylynan 4 shaqyrym jerdegi «Balapan» «Avıatsııalyq oqý-jattyǵý ortalyǵy» JShS-nyń qoný alańynda 2013 jyly shyqqan FK-14 V2«Polaris» ushaǵy qulady.
Atalǵan fakt boıynsha sotqa deıingi tergeý jumystary bastaldy. Ol sotqa deıingi tergeý biryńǵaı reestrine tirkelgen», - delingen habarlamada.
Oqý ortalyǵyna tıesili jeńil motorly eki oryndyq ushaǵy oqý-jattyǵý kezinde qulaǵany anyqtaldy.
Ushaq apatqa ushyraǵan kezde borttaǵy 2 adam oqıǵa ornynda qaza tapty. Atap aıtqanda, ushqysh-nusqaýshy - ıÝrıı Anatolevıch Artemov (1967 jyly 31 naýryzda týǵan) jáne osy oqý ortalyǵynyń 2018 jyldyń mamyr aıynan bastap tyńdaýshysy bolǵan (ushqysh) Mereke Ómirbekuly Áýkeshev (1990 jyly 8 naýryzda týǵan).
«Ekıpaj quramy Nur-Sultan ýaqyty boıynsha saǵat 16:11-de kezekti jattyǵýdy oryndaý maqsatynda áýege kóterilgen. Saǵat 16:20-da ushaq shuǵyl tómen quldılaǵan. Dıspetcher áýe kemesimen baılanysty joǵaltty. Avarııalyq-qutqarý qyzmeti áýe kemesi qulaıtyn jerge jedel jiberildi», - delingen habarlamada.
Búgingi kúnge deıin kýrsant M.Áýkeshev 30 saǵatqa jýyq ushqan. Oǵan ınstrýktor ıÝ.Artemov bekitilgen. M.Áýkeshev oqý-jattyǵý sabaqtaryn FK-14 V2 «Polaris» ushaqtarymen oryndaǵan.
Mınıstrliktiń baspasóz qyzmetiniń málimetinshe, FK-14 V2 «Polaris» ushaǵy 2013 jyly Polsha Respýblıkasynyń zaýytynan alynǵan. Jalpy, ushaq 1 100 saǵat ushqan. Ushaq ushar aldynda tolyq tekserýden ótken jáne eshqandaı aqaý bolmaǵan.
Qazirgi ýaqytta barlyq qajetti jedel-tergeý áreketteri júrgizilýde.
