Qaraǵandyda kreatıvti shyrshalardyń birinshi festıvali ótti
ASTANA. QazAqparat - Qaraǵandyda qazylar alqasy eń kreatıvti shyrshany tańdady. Qalalyq jańa jyldyq festıvalǵa 21 uıym qatysty. Baıqaýǵa qatysqan shyrshalardy Kaskad alańynda, Jaýynger-Internatsıonalıster kóshesinde kórýge bolady, dep habarlaıdy Qaraǵandy oblysy ákimdiginiń baspasóz qyzmeti.
Baspasóz qyzmetiniń habarlaýynsha, alǵashqylardyń biri bolyp óz shyrshasyn «Karaǵandy Sý» kompanııasy ornatty. Ol sý ólsheýish shlangpen oralǵan palma ispettes. Osyndaı ınstallıatsııa arqyly qurastyrýshylar jer betinde ómir úshin sýdyń mańyzdy ekenin jáne de adamdarǵa tabıǵı qordy saqtaý kerektigin kórsetkileri kelgen.
Eń sándi shyrshalardyń biri saıabaqtar jáne gúlzarlar basqarmasynyń ornatqan shyrshasy boldy. Mekeme qyzmetkerleri ony lakpen qaptalǵan butalardan jasap, kenep pen juqa kıizden jasalǵan kishkentaı oıynshyqtarmen bezendirgen. Baıqaýdaǵy eń úlken shyrshany «ArselorMıttal Temirtaý» kómir departamenti ornatty. Onyń bıiktigi - 6 metr. Ol býtaforlyq kómirden quralǵan, jáne ishinen qyzyl shamdarmen jaryqtandyrylady. Bıiktigi jaǵynan ekinshi orynda turǵan shyrshany «Blagoýstroıstvo» KMM jasaǵan.
«Ol bizdiń kóshelerdi tazartýǵa arnalǵan tehnıkanyń qylshyqtarynan qurastyrylǵan. Keshki ýaqytta ol jaryqtandyrylady. Tóbesinde juldyzdyń ornyna shamshyraq ornatylǵan, - deıdi «Blagoýstroıstvo» KMM abattandyrý boıynsha dırektory Arman Sársenbaev.
Sonymen qatar alańda qaraǵandylyq JOO usynǵan baıqaýlyq jumystar bar. Qaraǵandy ekonomıka ýnıversıtetiniń stýdentteri shyrshanyń ornyna mantııa kıgen maneken ornatqan, onyń jan jaǵyna vertıkaldy túrde dıplomdyq jumystar, synaq kitapshalary, kýrstyq jumystar men referattar ilinip, mańdaıshasy qyzyl dıplommen bezendirilgen. Baıqaýǵa qatysqan shyrshalardy arnaıy qazylar alqasy baǵalady. Tóreler komıssııasynyń quramyna sáýletshiler, dızaınerler jáne qalamyzdyń bas sýretshisi ıÝlııa Plýjnıkova kirdi.
«Alǵan áserimiz tamasha. Eger jyl saıyn osyndaı baıqaýlar ótkizip otyratyn bolsaq árıne, jaqsy bolar edi. Bizdiń baǵalaý krıterıılerimiz qarapaıym - kompozıtsııa erekshe jáne birtutas bolýy tıis. Keıbir bólshekter ortaq kórinisten bólinbeýi kerek. Ár kompozıtsııada ózindik kemshilikter bar, alaıda artyqshylyqtary odan da kóp», - dep baǵalady qatysýshylardyń jumystaryn qazylar alqasynyń múshesi Janat Komýtov.
Nátıjesinde «ArselorMıttal Temirtaý» AQ kómir departamentiniń shyrshasy eń úzdik dep tabyldy. Ekinshi oryndy «Blagoýstroıstvo» kásipornynyń jumysy ıelendi. Úshinshi oryn ETJ baǵanalary túrinde jasalǵan «Qaraǵandy Jaryq» qyzmetkerlerine berildi.
