Qaraǵandyda kósheniń qaq ortasynda adamdar pyshaqtasty
Tapa-tal túste Maıqudyq shaǵynaýdanynda eki er adam men áıel arasynda janjal týyndaǵan. Oqıǵa turǵyn úılerdiń aýlasynda, ótip bara jatqan adamdardyń kózinshe bolǵan. Áleýmettik jelide taraǵan vıdeony kýágerlerdiń biri jazyp alǵan. Onda kelesi kartınany kórýge bolady: janjalǵa qatysýshylardyń ekeýi jerde jatyr. Úshinshisi - er adam janynda tur, ol shalbaryn sheship, ári-beri ótkenderge aıaǵyna alǵan jaraqatyn kórsetýde.
«23 naýryzda saǵat 16.30-da Qaraǵandy qalasynyń 40 jastaǵy turǵyny janjal barysynda 34 jastaǵy tanysyna pyshaq jaraqatyn salǵan. Polıtsııa qyzmetkerleri oqıǵanyń barlyq qatysýshylaryn izin sýytpaı anyqtady. Atalǵan fakti boıynsha QR QK 293-baby 3-bóligi boıynsha sotqa deıingi tergeý bastaldy. Tergeý sharalary júrgizilýde», - dep habarlady Qaraǵandy oblysy Polıtsııa departamentiniń baspasóz qyzmetinen.
