Qaraǵandyda qosalqy stansa órtenip, turǵyndar jaryqsyz otyr
Áleýmettik jelilerde Qaraǵandyda Sátpaev kóshesinde ornalasqan qosalqy stansanyń órtenip jatqan vıdeosy tarady. Birqatar aýdandarda elektr qýaty joq.
Osyǵan oraı qala basshysynyń orynbasary Rústem Qojaqapanov «Keshki Qaraǵandy» Telegram arnasynda túsinik berdi.
«Qurmetti qala turǵyndary, men «Qaraǵandy Jaryq» JShS tıesili podstansanyń janynda turmyn. Qazir saǵat 14.30, órt sóndirilgen. Kásiporyn mamandary jaryqsyz qalǵan qala ortalyǵyndaǵy turǵyndardy basqa jelige aýystyryp, elektr qýatyna qosý máselesimen aınalysyp jatyr. Bul – Buqar jyraý, Pechıýgın-Novoselov, Tereshkova, Volgodanskaıa kósheleri kvadraty. Shamamen eki saǵattyń ishinde jaryq beriledi. Aldyn ala málimet boıynsha, káriz jáne sý júıesiniń sorǵy stansalary qalypty jumys istep tur. Baǵdarshamdarda polıtseıler nusqaý berip, tártip ornatady. Taǵy aqparat tússe, ózderińizge habarlaımyn», - dep atap ótti ol.
