Qaraǵandyda qorshaǵan ortany lastaǵan mekemege 157 mln teńge aıyppul salyndy
QARAǴANDY. QazAqparat - Tabıǵatty qorǵaý prokýrorlary tabıǵatqa keltirilgen zalal úshin jeke menshiktegi «Nova tsınk» kompanııasyna ótemaqy tóletti, dep habarlaıdy «QazAqparat» HAA tilshisi.
Qaraǵandy oblystyq mamandandyrylǵan tabıǵatty qorǵaý prokýratýrasynyń aǵa prokýrory Dınara Bekejanovanyń habarlaýynsha, kásiporyn óziniń aınalasyna qaldyqtardy zańda kórsetilgen ruqsatsyz tastap kelgen. Kompanııa baıytylǵan qorǵasyndy-tsınk rýdasy men qorǵasyn-tsınk qospasyn óndiredi.
«Tekserý barysynda ekologııa zańnamalaryn buzý jaǵdaıy anyqtaldy. Tabıǵatty qorǵaý prokýratýrasy isti sot organdaryna joldady. Ekonomıkalyq sot shaǵymdy tolyq qanaǵattandyrdy. Kásiporynnan 157 mln teńge kóleminde shyǵyn óndirildi»,-dedi Dınara Bekejanova.
Taǵy 154 mln teńgeni kompanııa qorshaǵan ortaǵa degen zańsyz emıssııa úshin tóledi.
