Qaraǵandyda koronavırýs juqtyrǵan sońǵy eki adamǵa qatysty málimetter jarııa etildi
QARAǴANDY. QazAqparat - Qaraǵandy oblysynda «COVID-19» ınfektsııasyn juqtyrǵan sońǵy eki adam atalmysh ınfektsııany juqtyrǵan adammen baılanysta bolǵandyqtan synama alý barysynda anyqtalǵan, dep habarlaıdy QazAqparat coronavirus2020.kz silteme jasap.
2 naýqastan koronavırýs ınfektsııasyn juqtyrǵan adammen qarym-qatynasta bolýyna baılanysty karantındik statsıonarǵa jatqyzylyp, zerthanalyq synamalar alynǵan. Olarda PTR dıagnostıkalyq zertteý qorytyndysymen COVID-19 dıagnozy naqtylandy.
Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde.
Naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynyp jatyr.
Aýrý oshaqtarynda epıdzertteý jumystary, dezınfektsııalyq jumystar júrgizilýde.
9 sáýirde saǵat 10:00-degi jaǵdaı boıynsha oblysta COVID-19 koronavırýs ınfektsııasyna shaldyqqan 57 adam anyqtalǵan.
Qaraǵandy oblysynda úı karantıninde 1 594 adam bar, al táýlik boıy baqylaýǵa 818 patsıent alynǵan.
