Qaraǵandyda koronavırýs ınfektsııasyn juqtyrǵandardyń jaǵdaıy qandaı
QARAǴANDY. QazAqparat - Qaraǵandyda COVID-19 koronavırýs ınfektsııasymen aýyrǵandar týraly málimetter belgili boldy. Bul týraly tikeleı efırde Taýarlardyń jáne qyzmetterdiń sapasy men qaýipsizdigin baqylaý departamentiniń basshysy Qanat Asqarov málimdedi, dep habarlaıdy QazAqparat tilshisi.
Búgingi tańda Qaraǵandy oblysynda koronavırýs eki adamnan tabyldy. Bul 1971 jyly týǵan er adam jáne 1972 jyly týǵan áıel. Dárigerler olardyń jaǵdaıyn qanaǵattanarlyq dep baǵalaıdy. Eki emdelýshi hattama boıynsha barlyq qajetti em alady. Dert juqtyrǵandarmen baılanysta bolǵandardyń barlyǵy oqshaýlandy.
Qaraǵandy oblysynda koronavırýsqa zerthanalyq dıagnostıkany Qaraǵandy Ulttyq saraptama ortalyǵynyń vırýsologııalyq zerthanasy júrgizedi. Ol qajetti jabdyqtarmen, COVID-19 test-júıelerimen jabdyqtalǵan.
Koronavırýstyq ınfektsııanyń taralýyna jol bermeý úshin oblysta ıtisti sharalar qolanylýda.
Resmı aqparatty Taýarlar men qyzmetterdiń sapasy men qaýipsizdigin baqylaý departamentiniń áleýmettik jelilerdegi paraqshalarynan jáne (8-7212) 50-76-46 jedel jeli telefony arqyly bilýge bolady.
