Qaraǵandyda Koreıanyń medıtsına ókilderimen memorandýmǵa qol qoıyldy
ASTANA. QazAqparat - Búgin, 24 sáýirde Qazaqstan koreıler qaýymdastyǵynyń bastamasymen «Koreıa Respýblıkasy jáne Qazaqstan Respýblıkasy Qaraǵandy oblysynyń medıtsınalyq uıymdary yntymaqtastyǵynyń perspektıvalary» atty halyqaralyq konferentsııa ótti, dep habarlaıdy ekaraganda.kz.
Koreıa Respýblıkasy álemdik damyǵan elder reıtınginde medıtsına salasy boıynsha 8 orynda ekeni aıqyn. Belgili bolǵandaı, Ońtústik Koreıanyń densaýlyq saqtaý salasynyń qyzmeti oń nátıje berip keledi, mysaly, statıstıka boıynsha, munda ómir uzaqtyǵy 81,2 jas, ıaǵnı Qazaqstanǵa qaraǵanda, 9,7 paıyzǵa joǵary. Al onkologııalyq aýrýlardy emdeý ádisteriniń tıimdiligi 90 paıyzdan asyp túsedi. Mundaı nátıjege koreıalyq medıkter soǵystan keıingi jyldardaǵy jankeshti eńbektiń arqasynda qol jetkizdi.
Qazaqstan koreıler qaýymdastyǵynyń vıtse-prezıdenti Sergeı Ogaıdyń aıtýynsha, sharanyń úsh strategııalyq maqsaty bar: birinshi - kadr resýrsynda tájirıbe almasý; ekinshi - medıtsınalyq qyzmetterdiń túrli ádistemesin oqytý jáne úshinshi - memlekettik jáne jeke áriptestik nysany boıynsha birlesken joba.
Qaraǵandyda mundaı konferentsııa ótkizý sebepteriniń biri Qaraǵandy oblysynyń medıtsına salasyndaǵy shetel ınvestorlarymen ózara is-áreketiniń tájirıbeliligi ǵana emes, sonymen birge, osy jerde 335 myńnan astam dáriger shyqqan ejelgi medıtsınalyq JOO-lardyń biri bar.
Dóńgelek ústeldiń aıaqtalýy boıynsha Qaraǵandy oblysy Densaýlyq saqtaý basqarmasy men Koreıa Respýblıkasy Densaýlyq saqtaý ındýstrııasyn damytý ınstıtýty arasyndaǵy yntymaqtastyq týraly memorandýmǵa qol qoıyldy.
