Qaraǵandyda kóppáterli turǵyn úıdegi órt saldarynan eki adam kóz jumdy
ASTANA. QazAqparat - Qaraǵandy qalasyndaǵy Oktıabr aýdanynyń 17 shaǵyn aýdanynda kópqabatty turǵyn úıdi órt shaldy, dep habarlaıdy TJM baspasóz qyzmetinen.
18 aqpan kúni túngi saǵat 03.24-te 5 qabatty úıdiń 3-qabatyndaǵy páterden órt shyqqan. Ol saǵat saǵat 4-ten 5 mınýt ketkende anyqtalyp, saǵat 04.32-de aýyzdyqtaldy.
Órtti sóndirý jumystaryna QR TJM Qaraǵandy oblysy boıynsha Tótenshe jaǵdaılar departamentiniń órt sóndirý qyzmetiniń jeke quramnan 18 adam men 5 tehnıka jumyldyryldy. Tilsiz jaý jalpy kólemi 20 sharshy metr aýmaqty sharpyǵan. Órt kezinde turǵyn úıden 16 adam, onyń ishinde 3 bala syrtqa shyǵaryldy.
Órt saldarynan eki azamat - 1964 jyly týylǵan P.Germanıýk jáne 1930 jyly týylǵan Z.Germanıýk kóz jumdy.
