Qaraǵandyda kópqabatty úıdiń terezesinen 1 jasar bala qulap ketti
QARAǴANDY. QazAqparat – Qaraǵandyda úshinshi qabatta ornalasqan páterdiń terezesinen bir jasar bala qulap ketti, dep habarlaıdy QazAqparat tilshisi.
Sábı jansaqtaý bóliminde jatyr, jaǵdaıy aýyr.
2 shilde kúni saǵat 19.00 kezinde Qaraǵandy qalasynda úshinshi qabatta ornalasqan páterdiń terezesinen 2020 jyly týǵan bala abaısyzda qulap qalǵan.
Bala aýrýhanaǵa jetkizildi.
«Bala jan saqtaý bóliminde. Jaǵdaıy aýyr, turaqty. Gemodınamıka turaqty. Kóptegen jaralar, jumsaq tinderdiń jaraqattary bar», - dep habarlady Qaraǵandy oblysy densaýlyq saqtaý basqarmasynyń baspasóz qyzmeti.
Eresekter tarapynan tıisinshe qadaǵalamaý - balalardyń jaraqattanýy men óliminiń negizgi sebeb i .
Osyǵan baılanysty qutqarýshylar ata-analardan kishkentaı balalardy muqııat baqylaýyn kúsheıtýdi, olardy terezeleri ashyq úı-jaılarda jalǵyz qaldyrmaýdy suraıdy.
