Qaraǵandyda kópqabatty úıdiń dálizinen eki aılyq náreste tabyldy
QARAǴANDY. QazAqparat - Qaraǵandy qalasynyń 15-yqshamaýdanynda úıdiń dálizinen kórpege oralǵan eki aılyq qyz bala tabyldy. Kókek ana izdestirilip jatyr, dep habarlaıdy QazAqparat Polisia.kz resýrsyna silteme jasap.
3 naýryz kúni saǵat 00.15 shamasynda Oktıabr polıtsııa bóliminiń kezekshi bólimine 15-yqshamaýdanda úılerdiń biriniń dálizine belgisiz bireýdiń kórpege oralǵan eki aılyq qyz balany tastap ketkeni týraly habarlama tústi.
Oqıǵa ornyna jedel járdem qyzmetkerleri shaqyryldy.
Bala aýrýhanaǵa jetkizildi.
Atalǵan fakti boıynsha Qylmystyq kodekstiń 119-babynyń 1-tarmaǵyna sáıkes sotqa deıingi tergeý bastaldy.
Polıtsııa qyzmetkerleri balanyń anasyn anyqtaý úshin jumys júrgizýde.
