Qaraǵandyda kópqabatty úıdiń aýlasynan er adamnyń máıiti tabyldy
QARAǴANDY. QazAqparat – Qaraǵandy qalasynda turǵyn úılerdiń biriniń aýlasynda qımylsyz jatqan er adam jergilikti turǵyndardy alańdatqan. Olar polıtsııa men jedel járdem shaqyrǵan. Alaıda, dárigerler er adamnyń áldeqashan qaıtys bolyp ketkenin anyqtady, dep habarlaıdy QazAqparat tilshisi.
Er adamnyń jansyz denesin Maıqudyqtyń 12-shaǵynaýdanynda kezdeısoq adamdar taýyp alǵan. Jergilikti turǵyndardyń aıtýynsha, ol jylý qubyrlarynyń ústinde jatqan.
Oqıǵa ornyna polıtsııa men jedel járdem shaqyryldy. Biraq, dárigerler tek ólim faktisin tirkeýge májbúr boldy.
Qazirgi ýaqytta polıtsııa qyzmetkerleri er adamnyń óliminiń mán-jaıyn anyqtap jatyr.
«2020 jyldyń 17 qarashasynda saǵat 05.50-de Qaraǵandy qalasynyń 12-shaǵynaýdanyndaǵy № 21 úıdiń aýlasynan 44 jastaǵy er adamnyń máıiti tabyldy. Fakti tirkeldi. Tıisti saraptamalar taǵaıyndaldy. Jaǵdaı anyqtalýda», - dep habarlady Qaraǵandy oblysy Polıtsııa departamentiniń baspasóz qyzmetinen.
