Qaraǵandyda kópqabatty úıden órt shyǵyp, 4 balkon janyp ketti

QARAǴANDY. QazAqparat – Qaraǵandydaǵy kópqabatty úılerdiń birinde órt shyqty. Saldarynan tórt páterdiń balkondary janyp ketti, dep habarlaıdy QazAqparat tilshisi.

Oqıǵa 17 tamyz kúni saǵat 12.49-da boldy. «112» dıspetcher pýltine kópqabatty úılerdiń birinde órt shyqqany týraly habarlama túsken.

«Órt Qaraǵandy qalasy, Á. Bókeıhanov atyndaǵy aýdan, 8-úı mekenjaıynda boldy. Ot kópqabatty úıdiń 4-shi jáne 5-shi qabat ortasyndaǵy 4 balkondy sharpydy. Órt sóndirýshiler kelgenge deıin barlyq turǵyndar páterden óz betterimen shyǵyp úlgerdi. Qaza bolǵandar men zardap shekkender joq», - dedi Qaraǵandy oblysy Tótenshe jaǵdaılar departamentiniń baspasóz qyzmetinen.

Jalyn bir saǵattan keıin sóndirildi. Oqıǵa ornynda Qaraǵandy oblysy TJD jeke quramynan 26 adam jáne 6 tehnıka jumys istedi. Órttiń shyǵý sebebi anyqtalyp jatyr.