Qaraǵandyda kópbalaly otbasylardyń úılerinde ýly gaz datchıkteri tegin ornatyldy
NUR-SULTAN. QazAqparat - Qaraǵandy oblysynyń TJD qyzmetkerleri azamattardyń múlkin órtten qorǵaý úshin qaıyrymdylyq aktsııasyn uıymdastyrdy, dep habarlaıdy oblystyq ákimdiktiń baspasóz qyzmeti.
Kóp balaly otbasylardyń úılerinde ýly gaz datchıkteri tegin ornatylady. Sondaı-aq, múmkindigi shekteýli adamdar bar otbasylar da nazardan tys qalǵan joq.
Vedomstvonyń málimetinshe, jyl basynan beri oblys boıynsha 828 ýly gaz datchıgi ornatylǵan. Bul oraıda Saran men Aqtoǵaı aýdanynda belsendilik baıqalyp otyr.
Jańa jylytý maýsymy qarsańynda aldyn alý jumystary kúsheıtilýde. Qyrkúıektiń alǵashqy kúnderi TJD qyzmetkerleri kóp balaly otbasy úılerine 24 datchık ornatty.
Qutqarýshylar elektr quraldaryn jáne peshti paıdalaný kezindegi órt qaýipsizdigi erejelerin saqtaý kerektigin eske salady:
- Elektr symdarynyń, sóndirgishter men rozetkalardyń jaramdylyǵyn qadaǵalaý qajet.
- Elektr jelisiniń shamadan tys júktelýine jol bermeý, al aqaýy bar turmystyq quraldardy alshaq alyp tastaý nemese jóndeý.
- Qoldan jasalǵan elektr jylytý quraldaryn paıdalanbaý.
- Sýyq kúnder bastalmas buryn peshti tekserý jáne tútindikterdi tazalaý.
- Peshti tez tutanatyn suıyqtyqtarmen jylytpaý.
- Eger úıden uzaq ýaqytqa shyǵýdy josparlasańyz, peshti eki saǵat buryn óshirý qajet.
