Qaraǵandyda kómir óndirý kólemi artady
QARAǴANDY. QazAqparat - Kómir óndirý deńgeıi boıynsha Qaraǵandy oblysy postkeńestik kezeńde óndirilgen qara altyn kólemine jetip qaldy, dep habarlaıdy «QazAqparat» HAA tilshisi.
«Bıylǵy jyly óńirde 36 mıllıon tonna kómir óndiriledi dep josparlanyp otyr. Bul byltyrǵy jylmen salystyrǵanda, 21 paıyzǵa artqan. Atalǵan kórsetkish postkeńestik kezeńde óndirilgen kómir kólemine taıap qaldy. 1991 jyly 45 mıllıon tonna kómir óndirilgen», - dedi Qaraǵandy oblysy ónerkásip jáne ındýstrıaldy-ınnovatsııadyq damý basqarmasynyń basshysy Ǵalymjan Jumasultanov.
«ArselorMıttal Temirtaý» AQ kómir departamenti arshý jumystaryn ashyq tásilmen aıaqtaý esebinen 2017 jylǵy óndiris kólemin 8,9 paıyzǵa arttyrýdy josparlap otyr. «Qazaqmys» koporatsııasy «Kýý-Chekınskıı» razrezi men «Molodejnyı» razrezinen bıylǵy jyldyń ózinde 8 mıllıon 700 myń tonna kómir óndirýdi kózdep otyr. Onyń ósimi 9,5 paıyzdy quraıdy», - dedi Ǵalymjan Jumasultanov.
2016 jyldyń qańtar aıynan bastap iske qosylǵan jańa kómir óndirýshi kásiporyn «Shubarkól Premıým» JShS qara altyn óndirisin 4,3 esege arttyrmaqshy.
