Qaraǵandyda qolynda granata jarylǵan sarbazdyń isi tekserilip jatyr
QARAǴANDY. QazAqparat - Qaraǵandyda qolynda granata jarylǵan áskerı qyzmetshiniń isine qatysty tekseris júrip jatyr, dep habarlaıdy QazAqparat tilshisi.
«Qazir qyzmettik tekseris júrip jatyr. Oqıǵa sebepteri anyqtalýda. Tekseris barysynda polıgon aýmaǵynan qaýipti eshteńe tabylǵan joq», - deıdi Ulttyq gvardııanyń «Ortalyq» óńirlik qolbasshylyǵy baspasóz qyzmetiniń basshysy podpolkovnık Qanat Dos.
Vedomstvodaǵylardyń aıtýynsha, zardap shekken 32 jastaǵy áskerı qyzmetshi Asan Sembiuly palataǵa shyǵarylǵan. Sarbaz esin jıǵan.
«Qarabas oqý ortalyǵynda sharýashylyq jumystaryn atqarý kezinde áskerı qyzmetshi jerden shyǵyp turǵan belgisiz plastmassa zatty kórgen. Asa mán bere qoımaı, ony jerden ala bergende jarylys bolǵan», - deıdi vedomstvo ókilderi.
Eske sala keteıik, Qaraǵandy oblysynda Ulttyq ulan sarbazynyń qolynda granata jarylyp ketken bolatyn.
