Qaraǵandyda kólik júrgizýshisi men jolaýshydan qarý men esirtki tárkilendi
Qaraǵandy oblystyq Polıtsııa departamenti Uıymdasqan qylmysqa qarsy kúres basqarmasynyń qyzmetkerleri turaqty túrde zańsyz qarýmen esirtki zattarynyń aldyn alýǵa baılanysty jedel is-sharalar ótkizip turady. Máselen, Uıymdasqan qylmysqa qarsy kúres basqarmasynyń qyzmetkerleri 21 qazan kúni 29 jastaǵy azamattyń basqarýyndaǵy avtokólikti ustady. Kólikte 28 jastaǵy jolaýshy bolǵan. Jolaýshyǵa júrgizilgen tintý jumystary barysynda odan erekshe ıisi bar ósimdik tektes jasyl tústi oram tárkilendi. Sondaı-aq kólik júrgizýshiniń oryndyǵynan Makarov tapanshasy tárkilenip alyndy. Sonymen qosa polıtseıler 4 oq-dári tárkiledi.
Saraptama qorytyndysyna sáıkes qarý atýǵa jaramdy, al onyń oqtary atýǵa jaramdy oq-dáriler ekeni belgili boldy.
Atalǵan derekter boıynsha Qazaqstan Respýblıkasy Qylmystyq kodeksiniń 296 jáne 287-baptary boıynsha qylmystyq ister tirkeldi. Tergeý amaldary júrgizilýde.
Foto: polisia.kz
