Qaraǵandyda kólik urlaýshy ustaldy
QARAǴANDY. QazAqparat - Qaraǵandy oblysynyń aýmaǵynda kólik urlyǵyna qatysty jedel aldyn alý sharasy ótýde, dep habarlaıdy QazAqparat tilshisi.
Shara ótkizý barysynda Oktıabr polıtsııa bóliminiń qyzmetkerleri 29 jastaǵy qala turǵynyn anyqtady.
18 maýsymda túnde Oktıabr polıtsııa bóliminiń kezekshi bólimine 35 jastaǵy qala turǵyny «Folksvagen T4» markaly kóligin belgisiz bireý urlap alyp ketkeni týraly aryzdanǵan bolatyn.
Atalǵan fakti QR QK 200-baby 1-bóligi boıynsha sotqa deıingi tergeýdiń biryńǵaı tiziliminde tirkelgen.
Іzdestirý is-sharalary barysynda polıtsııa qyzmetkerleri qalanyń 29-jastaǵy turǵynyn anyqtap, odan urlanǵan avtokólik tárkilendi. Aldyn ala tergeý barysynda kúdikti taǵy bir kólik urlyǵany moıyndady.
Qazirgi ýaqytta osy azamattyń uqsas qylmystarǵa qatystylyǵy tekserilýde.
