Qaraǵandyda kólik oqytý ortalyǵynyń dırektory sottaldy

QARAǴANDY. QazAqparat - Qazaqstan Respýblıkasy sybaılas jemqorlyqqa qarsy is-qımyl agenttigi Qaraǵandy oblystyq departamenti «QTJ UQ» AQ Qaraǵandy kólik oqytý ortalyǵynyń dırektory D.Qaramyshevqa qatysty sotqa deıingi tergeý jumystaryn aıaqtady, dep habarlaıdy QazAqparat. 

D.Qaramyshev júıeli negizde oqý ortalyǵy toptarynyń starostalary arqyly tyńdaýshylardy oqýdan bosatý úshin, sondaı-aq olardy oqý demalystaryna jiberý úshin para alyp otyrǵan.

Bıyl 11 shildede Oktıabr aýdandyq sotynyń úkimimen D.Qaramyshev para alǵany úshin 6,8 mln teńge kóleminde aıyppul tóleýge mindetteldi. Sondaı-aq,  T.Demesinov  para bergeni úshin D. Baýylbekov deldal bolǵany úshin aıyppul tóleıdi.

Sot aıyppuldy tóleý merzimin bekitti. Úkim zańdy kúshine engen kúnnen bastap 1 aıdyń ishinde tólenbegen jaǵdaıda, jaza bas bostandyqtarynan aıyrý túrine aýystyrylady.

Sottalýshylar ómir boıyna memlekettik qyzmette jumys isteý quqyqtarynan aıyryldy.