Qaraǵandyda kólik qaqqan 59 jastaǵy áıel oqıǵa ornynda kóz jumdy
QARAǴANDY. QazAqparat – Qaraǵandyda jas júrgizýshi jaıaý júrginshini qaǵyp ketken. Alǵan jaraqatynan 59 jastaǵy áıel oqıǵa ornynda kóz jumdy, dep habarlaıdy QazAqparat tilshisi.
Qaraǵandyda «Aýdı» jeńil kóliginiń júrgizýshisi Magnıtogorskaıa kóshesinde 59 jastaǵy áıeldi qaǵyp ketti.
Qaıǵyly oqıǵa «Gornıak» avtobýs aıaldamasynyń janynda bolǵan.
«Aýdı» avtokóliginiń 23 jastaǵy júrgizýshisi Magnıtogorskaıa kóshesimen «Gazoıl» JMQS jaǵynan qalaǵa qaraı júrip bara jatyp, 59 jastaǵy jaıaý júrginshini qaǵyp ketti.
Saldarynan jaraqat alǵan adam oqıǵa ornynda kóz jumdy.
«Qylmystyq kodekstiń 345-baby 3-bóligi boıynsha sotqa deıingi tergep-tekserý tirkeldi. Tıisti saraptamalar taǵaıyndaldy», - dedi polıtsııa departamenti baspasóz qyzmetiniń jetekshisi Baqytjan Qudııarov.
