Qaraǵandyda kóliginiń júksalǵyshyna eki eliktiń etin tıep alǵan brakoner ustaldy
QARAǴANDY. QazAqparat - Qaraǵandy oblysynda kóliginde eki eliktiń eti jáne myltyǵy bar er adam ustady, dep habarlaıdy QazAqparat tilshisi.
13 qańtarda Qaraǵandy oblysy polıtsııa departamentiniń tabıǵatty qorǵaý polıtsııasy qyzmetkerleri «Brakoner» jedel-aldyn alý is-sharasyn ótkizý kezinde Buqar jyraý aýdanynyń aýmaǵynda Qaraǵandy qalasynyń 63 jastaǵy turǵyny mingen «Toyota Land Cruiser» markaly avtokóligin toqtatty.
Atalǵan avtokóliktiń salonynan 2 eliktiń eti, tegis uńǵyly qarý men patrondar tárkilendi.
«Ustalǵan azamat kinásin moıyndady. Atalǵan fakti boıynsha »Zańsyz ań aýlaý« QK 337-babynyń 1-bóligi boıynsha sotqa deıingi tergeý bastaldy» dep habarlady Qaraǵandy oblysy ІІD baspasóz qyzmeti.
