Qaraǵandyda qoqys konteınerinen 1 aılyq sábı tabyldy
QARAǴANDY. QazAqparat – Qaraǵandy qalasynda qoqys jáshiginen bir aılyq náreste tabyldy. Tártip saqshylary sábıdi tastap ketken anany izdestirýde, dep habarlaıdy QazAqparat tilshisi.
3 sáýirde Qaraǵandy qalasynyń Oktıabr aýdanyndaǵy úılerdiń biriniń janyndaǵy qoqys konteınerinen sábı tabyldy.
Dárigerlerdiń aıtýynsha, bala shamamen 1 aılyq.
«Qyz balany jedel járdem brıgadasy tekserip, medıtsınalyq mekemege ornalastyryldy. Dene jaraqattary joq. Atalmysh derek polıtsııada tirkeldi. Qazirgi ýaqytta sábıdiń anasyn anyqtaý boıynsha is-sharalar júrgizilýde», - dep habarlady Qaraǵandy oblysy PD baspasóz qyzmeti.
