Qaraǵandyda kenshilerge qoıylǵan eskertkishti vandaldar qıratty
QARAǴANDY. QazAqparat - Belgisiz bireýler Qaraǵandy ortalyq saıabaǵynda ornatylǵan kenshiler eskertkishiniń taqtalaryn qıratyp, monýmenttegi mys jazýlardy urlap ketken, dep habarlaıdy QazAqparat tilshisi.
«Bizdiń qyzmetkerler ony qalpyna keltiredi. Qazir qıratylǵan granıt taqtalar alynyp tastalyp, ornyna basqasy qoıylady. Monýmenttegi áripterdiń naqty sany eseptelinedi. Jazba qaıta qalpyna keltiriledi. Qazir sý ótpeıtin jáne berik materıaldan jasaý oılastyrylyp jatyr», - dedi Qaraǵandy qalalyq mádenı, demalys parkter jáne saıabaqtar basqarmasynyń baspasóz qyzmeti.
Vedomstvo habarlaǵandaı, polıtsııaǵa shaǵym túsiriledi. Osy fakti boıynsha tolyq aqparat taıaý ýaqytta belgili bolady.
