Qaraǵandyda qazaq kúresi boıynsha álemniń ІІ-shi kýbogy men Azııanyń VIII chempıonaty ótedi
QARAǴANDY. 15 jeltoqsan. QazAqparat - 16-18 jeltoqsan kúnderi Qaraǵandydaǵy S.Sápıev atyndaǵy Boksty damytý ortalyǵynda qazaq kúresi boıynsha álemniń ІІ-shi kýbogy men Azııanyń VIII chempıonaty ótedi. Bul týraly oblystyq týrızm, sport jáne dene shynyqtyrý basqarmasynan habarlady.
«Álem kýbogyna Qazaqstan, Armenııa, Qyrǵyzstan, Latvııa, Estonııa, Germanııa, Polsha, Grekııa, Qytaı, Pákistan jáne t.b. memleketterden 120-dan astam sportshynyń qatysýy kútilýde», - dedi uıymdastyrý komıtetinen.
Álem kýbogynyń ashylý rásimi 17 jeltoqsanda S.Sápıev atyndaǵy Boksty damytý ortalyǵynda ótedi. Osy kúni kezdesý qorytyndylary boıynsha chempıondar men júldegerlerdi marapattaý ótedi.
18 jeltoqsanda qazaq kúresi boıynsha Azııa chempıonaty ótedi.
