Qaraǵandyda qaza tapqan sarbaz Shymkentte jerlenedi
QARAǴANDY. QazAqparat - Qaraǵandydaǵy oqý-jattyǵý kezinde aýyr jaraqat alyp, qaza tapqan ІІM Ulttyq gvardııasy áskerı bólimshesiniń qatardaǵy jaýyngeri Shymkentte jerlenedi, dep habarlaıdy QazAqparat tilshisi.
ІІM Ulttyq gvardııanyń «Ortalyq» Qaraǵandy óńirlik qolbasshylyǵynyń baspasóz qyzmeti habarlaǵandaı, sarbazdyń múrdesi týǵan jerine jóneltildi.
«Bas qolbasshylyq pen Ulttyq gvardııanyń barlyq jeke quramy qatardaǵy sarbaz Permetov Tımýr Fahrıtdınulynyń qaza tabýyna baılanysty onyń týystaryna qaıǵyryp, kóńil aıtady», - dep atap ótti Ulttyq gvardııanyń baspasóz qyzmeti.
№ 5451 áskerı bóliminde qyzmettik tergeý júrip jatyr.
Eske salaıyq, Tımýr Permetov 23 tamyz kúni tańǵy saǵat 7-de áskerı tehnıkany daıyndaý jáne tekserý kezinde jaraqat alyp, 5451 áskerı bóliminde qaza tapqandyǵy týraly buǵan deıin habarlaǵan bolatynbyz.
