Qaraǵandyda qaza tapqan kenshilerdi eske alýǵa arnalǵan týrnır ótýde
QARAǴANDY. QazAqparat – 11 aqpanda Qaraǵandyda Eńbek Eri, shahter ıAýda Musaǵalıevti eske alýǵa arnalǵan jeńil atletıkadan respýblıkalyq týrnır bastaldy. Bıyldan bastap týrnır qaza tapqan kenshilerdi eske alý maqsatynda ótkiziledi, dep habarlaıdy QazAqparat tilshisi.
Ańyzǵa aınalǵan Qaraǵandy kenshisi ıAýda Musaǵalıevtiń qurmetine alǵashqy birinshilik 1976 jyly ótti jáne dástúrge aınaldy. 2022 jyldan bastap týrnır bizdiń aımaqtyń kásiporyndarynda qaza tapqan kenshilerdi eske alý úshin ótkiziledi.
11 jáne 12 aqpanda jeńil atletıkalyq Arenada ótetin birinshilikte. Qatysýshylar Nur-sultan, Petropavl, Kókshetaý, Esil, Temirtaý, Abaı, Saran, Shahtınsk, Qaraǵandy, Soltústik Qazaqstan oblysynyń Saýmalkól aýylynan keldi. Olar bıiktikke jáne uzyndyqqa sekirý, ıadro ıterý, 50, 300, 600, 1500, 3000 metr, 50 m kedergilermen júgirý jáne estafetalar sııaqty túrlerde jeńis úshin kúresetin bolady.
Kezinde bul týrnırge Olımpıada oıyndarynyń sportshylary Anna Tarasova (Sıdneı 2000 j.), Garıfa (Muhamedsadyqova) Kýký (Sıdneı 2000 j.), Vıacheslav Mýravev (Pekın 2008 j., London 2012 j.), Olga (Blýdova) Safronova (London 2012 j., Rıo-de-Janeıro 2016 j.), Aleksandra (Kýzına) Romanova (Rıo-De-Janeıro 2016 j.) qatysqan.
Jarysty uıymdastyrýshylar-Qaraǵandy oblysynyń dene shynyqtyrý jáne sport basqarmasy, «Jeńil atletıka ORMBJM» KMQK, «Qorǵaý» kómirshiler kásipodaǵy» qoǵamdyq birlestigi.
