Qaraǵandyda qaza tapqan arnaıy jasaq sarbazy týraly fılm túsirildi
QARAǴANDY. QazAqparat - Qaraǵandyda polıtsııa qyzmetkerleri shynaıy oqıǵa jelisimen «Dabyl operatsııasy» atty fılm túsirdi, dep habarlaıdy QazAqparat oblys ákiminiń baspasóz qyzmetine silteme jasap.
Polıtseıler fılmdi 17 jyl buryn asa qaýipti qylmyskerlerdi ustaý kezinde qaza bolǵan áriptesteri, arnaıy jasaq sarbazy Aleksandr Istomınge arnady.
Qoıylym «Arlan» arnaıy jasaq bólimshesiniń qurylǵanyna 20 jyl tolý kúnine oraılastyryldy. Fılm stsenarısteri áriptesterdiń eske alǵan áńgimeleri men muraǵat qujattaryn paıdalanǵan.
Aleksandr Istomın polıtsııa qataryna 25 jasynda kelgen, oǵan deıin áskerde bolyp kelip, shahtada qyzmet etken. Aldymen Abaı qalalyq ІІB-de sarapshy-krımınalıst bolyp istegen. Bes jyl ótken soń polıtsııa serjanty Qaraǵandy qalylyq ІІB jedel áreket etý rotasyna qabyldanǵan.
2000 jyldyń 26 qazanynda arnaıy jasaqshy «Valıýt-Tranzıt bankke» shabýyl jasaǵan kúdiktilerdi quryqtaý operatsııasyna qatysqan. Aleksandr Istomın snaıperlik baqylaýda bolǵan. Qylmyskerlerdi ustaý kezinde aýyr jaraqat alyp, kóz jumǵan.
Birneshe jyl buryn Abaı qalasynda Aleksandr Istomın turǵan Karl Marks kóshesiniń boıyndaǵy úıge eskertkish taqtaısha ornatyldy. 
