Qaraǵandyda qaza bolǵan polıtseıler týraly shynaıy oqıǵalar jelisi boıynsha fılm túsirildi
ASTANA. QazAqparat - Qaraǵandyda qazaqstandyq polıtsııa qyzmetiniń 25 jyldyǵy atap ótildi. Erýbaev kóshesindegi oblystyq ІІD ǵımaratynyń aldynda túrli bólimshelerde qyzmet etetin 600 polıtseı saltanatty marshqa qatysty. Sharaǵa qatysýshylar qaza bolǵan áriptesterin eske alyp, obelıskke gúl shoqtaryn qoıdy. Kenshiler mádenıet saraıynda merekelik gala-kontsert uıymdastyryldy.
«Qazaqstandyq polıtsııanyń qurylýy kúnin atap ótýge baılanysty ishki ister mınıstriniń, oblystyq ІІD bastyǵynyń buıryǵymen, Qaraǵandy oblysy jáne Qaraǵandy qalasy ákimderiniń qaýlysymen adal eńbegi men kásibıligi úshin vedomstvonyń 1000-nan astam qyzmetkeri madaqtaldy», - dep habarlaıdy oblystyq ІІD baspasóz qyzmeti.
Gala-kontsertte «Sónbes juldyzdar» kitabynyń tusaýkeseri boldy. Onda elimizdiń Táýelsizdik jyldaryndaǵy polıtsııa qyzmeti týraly baıandalady. Qazaqstan polıtsııasynyń jańa marshy - «Qazaqstan saqshysy» áni oryndaldy. Bul týyndyny qaraǵandy polıtsııasynyń bir top qyzmetkerleri jazǵan eken.
Sonymen qatar bul kúni «Aşy qant. 1998 jyl» fılminiń túsaýkeseri ótti. Kartınada qaza bolǵan qyzmetkerler eske alynǵan, shynaıy oqıǵalar jelisimen túsirilgen. Fılmdi ІІD-niń shyǵarmashylyq toby túsirgen, al rólderdi tártip saqshylarynyń ózderi oryndaǵan.
1998-shi jyldyń qarashasynda Qaraǵandydaǵy «Qant ortalyǵyna» qaraqshylyq shabýyl jasalǵan. Qylmyskerlerdi quryqtaý barysynda Qaraǵandy ІІB qylmystyq izdestirýdiń jedel ýákili, mılıtsııa aǵa leıtenanty Nurlan Baıǵaskın men jol polıtsııasynyń ınspektory, mılıtsııa aǵa serjanty Rýstam Májıtov kóz jumǵan edi.
Táýelsizdik jyldarynda óz qyzmetin atqarý barysynda qaraǵadylyq ishki ister organdarynyń 26 qyzmetkeri qaza tapqan.
1992 jyldyń 23-shi maýsymynda Prezıdent «QR ishki ister organdary týraly» zańǵa qol qoıdy. Bul data qazaqstan polıtsııasynyń kúni bolyp sanalady.
