Qaraǵandyda qaıta jóndeýden ótetin haıýanattar baǵy qandaı bolmaq
QARAǴANDY. QazAqparat - Qaraǵandynyń haıýanattar baǵynyń eski ǵımaratyn bólshektep, ornyna jańa ǵımaratty salý jumystary júrgizilip jatyr, dep habarlaıdy QazAqparat tilshisi.
Qurylys jumystary 2018 jyldyń sáýir aıynda bastalǵan.
«Dál qazir zoobaqtyń aýmaǵynda ornalasqan apatty eski ǵımaratty bólshektep jatyrmyz. Ol qaıta jóndeýge kelmeıdi. Onyń ornyna janýarlardy qysta ustaýǵa arnalǵan jańa qurylys salynady. Ǵımarat haıýanattar baǵyn salýdyń zamanaýı ustanymdaryna sáıkes jobalandy. Pavılondar klımattyq qondyrǵylarmen jabdyqtalatyn bolady», - dedi qaraǵandylyq haıýanattar baǵynyń dırektory Mádına Áshirova.
Qaıta qurylys júrgizýdiń jobasyn zoolog mamandardyń kómegimen «Azamattyq joba» ınstıtýtynyń qyzmetkerleri jasap shyǵardy.
Budan bólek, qaýmaldar men torlardyń ishki dızaıny estetıkalyq ta, ınnovatsııalyq talaptarǵa da jaýap berýi tıis. Jańa ǵımarat hollynyń ortalyq bóligi úsh qabbaty atrıým ispettes bolady.
M. Áshirova kelýshiler birinshi qabattan qoltyraýyndar men tasbaqalardy tamashalaı alatynyn aıtty. Ekinshi qabbata akvarıýmdardaǵy balyqtar, reptılııalar men qustar ornalasady. Úshinshi qabatta 46 adamǵa shaqtalǵan kórme men májilis zaldary bolady.
