Qaraǵandyda qatty jel men aıaz saldarynan jaryq óship qaldy

QARAǴANDY. QazAqparat - Qaraǵandydaǵy iri aýdan men qaladan birneshe shaqyrym qashyqta ornalasqan Engels kenti qatty jel men úskirik aıaz saldarynan jaryqsyz qaldy, dep habarlaıdy «QazAqparat» HAA tilshisi.

Atap aıtqanda, jel men aıaz saldarynan bekitpesi ajyraǵan elektr symy úzilip ketken.

«Jel men mınýs 36 gradýs aıazdyń saldarynan 75-76 VL № 2068 baǵanyndaǵy bir fazanyń symy úzilip qalǵan», - dep habarlady «Qaraǵandy Jaryq» kompanııasynyń baspasóz qyzmetindegiler.

Stantsııaǵa alty apattyq brıgada jetken. Energetıkter turǵyndarǵa jaryqty rezervtik júıeden berýdi jón dep tapqan.

«Energetıkterdiń jyldam áreket etýiniń arqasynda, barlyq tutynýshylarǵa saǵat 00:06-da elektr qýaty berildi. Osylaısha, aýa raıynyń qolaısyzdyǵy saldarynan keıbir úılerde 1 saǵat 7 mınýt boıy jaryq bolmady», - dep habarlady kompanııa.