Qaraǵandyda qaterli isik pen qan uıýdy emdeýdiń dárileri óndiriledi

ASTANA. QazAqparat - QR Densaýlyq saqtaý mınıstri Eljan Birtanov Qaraǵandy oblysyna sapary barysynda birqatar densaýlyq saqtaý nysandaryna, memlekettik jáne jeke klınıkalarǵa bardy, dep habarlaıdy QazAqparat.

Atap aıtqanda mınıstr júrek-qan tamyrlary aýrýlary, qant dıabeti, qaterli isikter, gemofılııa sııaqty kúrdeli aýrýlardy emdeý úshin ınektsııalyq bıotehnologııalyq qurylǵylar óndirýge baǵyttalǵan «Qaraǵandy farmatsevtıkalyq kesheni» JShS jumysymen tanysty.

«Bıylǵy jyly kásiporynnan qaterli isik pen qan uıýdy emdeýge arnalǵan eki túrli dári óndiriledi dep kútilýde, qazirgi kezde dáriler tirkelý ústinde. Dáriler shekteýli tehnologııa transferti boıynsha belgili álemdik farmakologııalyq brendter aımaǵynda óndiriledi. Bul ázirge elimizde kúrdeli tehnologııalyq jospar boıynsha bıotehnologııalyq dári-dármek óndiretin alǵashqy kásiporyn»,-dep atap ótilgen QR DSM habarlamasynda.

Kásiporyn dırektory Sergeı Baronnyń aıtýynsha, sapasy jaǵynan sheteldik ónimderden kem túspeıtin, óz elimizde óndirilgen dárilerdiń baǵasy bizdiń naýqastarǵa qoljetimdi baǵamen berilmek.

Mınıstr óndiristik úrdispen jeke tanysyp, halyqty baǵasy qoljetimdi dári-dármekpen qamtamasyz etý mańyzdy ekendigin atap aıtty.

Sondaı-aq ol óz kezeginde tutynýshǵa qajetti dári-dármekti tez arada óndirýge qatysty máseleni sheshý úshin kómektesýge ýáde berdi. Ol atalǵan kásiporyn tıimdi, áseri joǵary, kúshti dárilik zattar óndirýge basa nazar aýdarady degen senimimen bólisti.