Qaraǵandyda «Qasqyrlar uıasy» bandasy týraly fılm túsirilip jatyr
QARAǴANDY. QazAqparat - NTV reseılik telearnasyndaǵy tanymal «Sledstvıe velı... s Leonıdom Kanevskım» baǵdarlamasynyń túsirý toby keńes dáýirindegi atyshýly is týraly aıtylatyn kezekti serııasyn túsirý úshin Qaraǵandyǵa keldi, dep habarlaıdy QazAqparat tilshisi.
NTV telearnasyndaǵy «Sledstvıe velı... s Leonıdom Kanevskım» baǵdarlamasynyń jýrnalısi Oleg Nalımov Qaraǵandyǵa kelip, 80-jyldary taksı júrgizýshileriniń ólimi týraly atyshýly qylmystyq is jaıly túsiredi.
Onyń aıtýynsha, baǵdarlamanyń basty maqsaty - 40 jyl buryn bolǵan oqıǵalar týraly baıandaý. Jýrnalıst ІІD mýzeıinde, ІІB ardagerler keńesine baryp, tarıhı qujattarmen tanysty.
«Nıkolaı Volchenko bastaǵan qarýly qylmyskerler bandasy birneshe aı boıy Qaraǵandyda lańkestik jasaǵan. Olardy «qasqyrlar uıasy» dep ataǵan. Olardy ustaý úshin ІІB men ishki áskerdiń barlyq kúshteri men qurylymdary jumyldyrylǵan edi», - dep eske túsirdi sol kezderi Lenın aýdanynyń prokýrory bolǵan Vıktor Jýravlev.
Oleg Naımov qyzyǵýshylyq tanytqan qylmystyq is - Qaraǵandyda birneshe adamdy óltirgen bandalar toby týraly. Ol 1981 jyly bolǵan. Asa aýyr qylmysty ashýǵa Vıktor Jýravlev, Vıktor Goretskıı, ıÝrıı Gavrılov, Amantaı Nurmaǵanbetov jáne Anatolıı Kovalev tartylǵan.
Túsirilim Qaraǵandy oblystyq ІІD basshylyǵynyń qoldaýymen júrip jatyr.
«Bul qalada rezonans týdyrdy. Oblystyq sot 1981 jyly qarashada ótti. 19 epızod qaraldy. Protsess ashyq boldy. Nına Strıjakova 15 jylǵa bas bostandyǵynan aıyryldy, qalǵan úsh qylmysker atý jazasyna kesildi», - dedi sol kezderi Qaraǵandy oblystyq ІІB shtab bastyǵynyń mindetin atqarýshy bolǵan Vıktor Goretskıı.
